Со задоволство споделуваме дека е објавен нашиот научен том, достапен преку Springer Nature како книга со отворен пристап и слободно може да се презема целата содржина..
Оваа уредена збирка, развиена во рамките на проектот Horizon Europe GreenFORCE, претставува значаен придонес во истражувањата за одржлив развој, управување со животната средина и социо-економски трансформации поврзани со климатската акција.
Може да пристапите до публикацијата тука: https://link.springer.com/book/10.1007/978-3-031-95075-9
Овој том содржи 27 рецензирани поглавја напишани од истражувачи од различни институции, вклучувајќи ги и партнерите на проектот Horizon Europe GreenFORCE:
- Politecnico di Torino
- Co-PLAN Institute for Habitat Development
- University of Belgrade – Faculty of Geography
- Nordregio
- Центар за економски анализи- ЦЕА/Center for Economic Analyses – CEA
Поглавјата нудат разновидни перспективи за теми како што се:
- Праведна зелена транзиција
- Пост-социјалистички општествени трансформации
- Управување и политики за животна средина
- Урбана одржливост и отпорност
- Социо-економски влијанија на климатска акција
Оваа публикација има за цел да го унапреди научното разбирање и да поттикне интердисциплинарен дијалог за можностите за одржлив развој, особено во контекстите на Европа и Западен Балкан. Како книга со отворен пристап, се овозможува глобална дисеминација и користење од страна на истражувачи, креатори на политики и практичари посветени на одржливи и правични транзиции.
Им изразуваме благодарност на сите соработници, рецензенти и партнери на GreenFORCE чии заеднички напори го овозможија издавањето на оваа книга. Се надеваме дека ќе послужи како вреден ресурс за тековните истражувања и развој на политиките во областите на еколошката одржливост и социо-економската отпорност.
Клучни зборови: Зелени транзиции, Климатска акција, Урбана одржливост, Социо-економски развој, Еколошко управување, Хоризонт Европа, Отворен пристап, Академско истражување
